टेड-ज्ञानाचा खजिना

TED टेड Technology Entertainment Design 

तंत्रज्ञान, मनोरंजन आणि डिझाईन (याला एक मराठी शब्द आहे, 'प्रारूप' असा, पण टाळतो)

१९८४ मध्ये रिचर्ड वर्मन नावाच्या अवलीया स्थापत्यशास्त्रीनं जगाला, तुम्हाला, मला दिलेली एक जबरदस्त देणगी म्हणजे टेड. आज टेड जगभरच्या लोकांना व्हिडियोच्या माध्यमातून ज्ञानप्रसार करणारी वेब साईट आहे, अगदी आपण रोज वापरतो त्या युट्यूब सारखी. सुरुवात झाली तेंव्हा टेड फक्त एक परिषद होती, तंत्रज्ञान, मनोरंजन आणि डिझाईन वर बोलणारी पण सुरुवातीला काही तर गणित चुकलं आणि हा रिचर्ड तोंडघशी पडला, पण पडूनही पुन्हा उठला. परत उठायला पठ्ठ्यानं सहा वर्षं घेतली, ह्यावेळी सोबतीला एक मित्र घेतला हॅरी मार्क्स आणि परत खेळ मांडला आणि यावेळी मात्र यशस्वी ठरला. जगानं टेड स्वीकारलं! आजही टेडकडुन जगभरात वेगवेगळ्या विषयांवर परिषदा घेतल्या जातात. भारतात पण कित्येक ठिकाणी आणि कित्येक विषयांवर आज वर टेड परिषद झाल्या आहेत. 

                            टेडची मला स्वतःला प्रचंड आवडणारी गोष्ट म्हणजे त्यांची नावा बरोबर दिसणारी ओळ,

IDEAS WORTH DISCUSSING  (चर्चा करण्याजोग्या कल्पना)

नंतर त्याच ठिकाणी दिसतं, IDEAS WORTH DISCUSSING OR CHALLENGING OR SPREADING

म्हणजे तुम्ही आमच्यावर टीका करू शकता, आमच्याबद्दल चर्चा करू शकता आमच्याबद्दल इतरांना सांगू शकता पण आम्ही दुर्लक्ष करण्याजोगे नाही. 

"जे जे उत्तम उदात्त उत्कट ते ते घ्यावे" हे टेड वाल्यांनी वाचलंय कि नाही माहित नाही पण पण त्यानी आमलात जरूर आणलंय, वैद्यकशास्त्र, तंत्रज्ञान, इंटरनेट, धर्म, अध्यात्म, पुराणकथा, संगीत, रोबोटिक्स, मानव्यशास्त्र, भाषाशास्त्र, स्वच्छता, अर्थशास्त्र, मानसशास्त्र, आंतरराष्ट्रीय राजकारण, दहशतवाद, आफ्रिका खंडाचे प्रश्न, भन्नाट लोकांनी कल्पना केलेल्या आणि यशस्वी करून दाखवलेल्या शेकडो गोष्टी, विषय कुठलाही घ्या, टेडनं स्वतःला कोणत्याच विषयाशी मर्यादित ठेवलेलं नाही. आता जर विषयांची आणि देशांची बंधनं मनात नाहीत तर भाषेची तरी का मानतील हे लोक? शंभराहून अधिक भाषांमध्ये टेड मिळेल, मराठीत पण आहे बरं का!

                रोज नवीन नवीन ज्ञान लोकांच्या समोर आणत राहायचं हा टेडचा शिरस्ता.
टेडचा कोणताही व्हिडीओ पंधरा ते वीस मिनिट पेक्षा जास्त वेळेचा नसतो, त्यामुळं कंटाळवाणा होत नाही. वक्त्यांची शैलीपण मोठी आकर्षक असते आणि भाषा खुप सोपी.
माझ्या ब्लाॅग लिहीण्यामागची प्रेरणा एका अर्थी टेंडच आहे. टेडवरच्या माझ्या काही अत्यंत आवडत्या व्हिडीओच्या लिंक  देत आहे.
तर मग आजच जा www.ted.com वर आणि प्रतिक्रीया कळवा!

https://www.ted.com/talks/bonnie_bassler_on_how_bacteria_communicate/transcriptlanguage=enough

https://www.ted.com/talks/paul_stamets_on_6_ways_mushrooms_can_save_the_world?language=en


https://www.ted.com/talks/melissa_marshall_talk_nerdy_to_me?language=en#t-19964